Bacaan :
Rom 5 : 12 – 19
Sibasaon Minggu
09 Maret 2014
Adong sada na masa. Mengeluh ma sada inang patugahkon
pusokni uhurni itongah-tongahni keluargani marhiteihon sada humbani pangisini
rumah ai sada keluarga (niombahni) na hatahonon ma nakal. Sikolahni pe lang
iporluhon, orangtua pe lang ongga iurupi. Domma sonai, mangindo duit pe system
mangancam do tong, marah-marah homa. Duitni ai pe ipakeihon homa laho
manbuk-mabukan. Pusok ma uhurni bapa, sonai ganup adek-adekni. Hatahonon ma,
anggo roh ma ia hu rumah, gelisah ma ganup pangisini rumah ai. Tongon si ambia
ai do na jahat, tapi dihut do ganup sarumah ai mangahapkon paruntulon halani
ai. Na sihol patugahon ijon, sedo na kalah bapa, inang pakon adek-adekni ai
ibahen na sada ai. Lang, totap do sidea setia bani harosuhni Tuhan. Tapi laho
patugahkon anggo adong kuasa na jahat bani sada rumah, marpakkorhon do ai bani
haganup rumah ai.
2. Hinan, panlanggaron ni sada halak gabe haganup manuju
hu hamateian. Konteks ni topic na sanggah isahpkon Paulus bani ambilan on aima
dalam rangka patorangkon habanggalon ni idop ni uhur ni Naibata ibagas Kristus
mambahen ‘megah’ hita age ibagas situasi sitaronon, halani marhiteihonSi jumpah
hita do nuan pardameian pakon Naibata. Ibagas pangarusion na sonon do iartihon
hita na isobut bani ayat 12. Hata ‘songon na masuk dousa in hu dunia on
marhitei sada halak’ paingatkon hita hubani pardabuh ni jolma hubagas dosa bani
mungkahni. Lang pala isobut ijon si Adam atap si Hawa, halani sedo tokoh na
mardosa ai na paling penting isahapkon, tapi dosa ai sandiri do. Santorap boi
do ididah hita kuasa ni dosa ai songon na sompong memasuki jolma na parlobei
ai, dob ai baru pe masuk menyusup hubani dunia on. Hape sedo sonai. Istilah
‘dunia’ na isobut ijon aima ‘kosmos’ na mararti haganupan alam na tinompa ni
Naibata. Domu hujai, sasaran ni kuasa hajahaton ai (aima dosa) sedo pitah
jolma, tapi das do hubani haganupan na tinompa ni Naibata. Ibagas kuasa ni dosa
ai irik do homa mangihut hamateian (maut) anjaha mangonai hubani haganup do
hamateian ai halani haganup do jolma in mardosa. Usih songon bah na mabaor bai
tanoh, sai isiati do ganup ianan age lubang-lubang na ija pe, sonai ma kuasa ni
dosa ai sorap bani haganup, sedo pitah jolma tapi ganup pangisini dunia on
dihut mangahapkon kuasani. Hamateian ai sedo ‘nasib’ tapi sebagai ‘akibat’
humbani kesalahan na binahenni. Sedo pitah keturunan ni si Adam na na ihonai
hamateian ai, tapi manrarat do hubani ganup dunia manaron uhuman ai (band.Rom 8
: 18-22). Boi do ipausih hita kuasa ni dosa ai songon cara kerja ni ‘ragi’ na
isobut bani Galatia 5:9 “Ragi na otik mambahen migar ganup itak na niagu.”.
Otik do tongon ragi ai ipamasuk hubagas itak, tapi ibagas panorang sorap do ai
laho mangigari keseluruhan itak na niagu ai. Atap songon na isobut bani Jesaya
1 : 18 na patorangkon pasal dosa ni Israel “age pe gerger songon hiou hasumba”,
na ija hiou na ronjam hubani zat pewarna lambin lambin dokah lambin manrosap ma
hubani hiou ai, sehingga sigerger ai marpindah humbani bah masuk hubani
haganupan hiou ai. Dosa ni si Adam ai torus do mengalir hubani ganup ginomparni
sonai homa age na haganupan na adong hubunganni hubani jolma (na tinompa na
legan). Artini lang adong na boi maluah humbani kuasa pakon pengaruhni dosa ai.
Bahkan age dob roh titah, lang boi titah ai mambahen magou dosa ampa kuasani
humbani dunia on, tapi titah ai justru laho patangkashon hubani jolma in pasal
dosani ilobei ni Naibata. Sonai ma kuasani dosa ampa akibat-akibatni, ipungkah
humbani si Adam anjaha torus mengalir bani dunia on. Ibagas keturunan Adam, na
marlaku aima ‘seorang makan cempedak, semua kena getahnya’. Dosa na hinorhon ni
sada halak, mangkorhon matei na mabuei. Domu hujon, akibat uhuman ni na
hinorjahon ni sada halak (Adam) sedo sahalak homa mampartanggunjawabkon ai,
tapi haganup do sipartanggungjawab, halani haganup do mardosa.
3. Sonari, halani pamintorion ni sada halak (Kristus)
gabe manggoluh haganup. Songon na sarupa, tapi daoh marbeda. Anggo isobut
nokkan, halani dosa ni sada halak gabe manaron haganup, sonari ibagas Kristus terjadi pembalikan ibahen
Naibata. Memang hira adong do persamaan ni Adam pakon Kristus, aima sama-sama
pelopor na mamboan akibat na daoh hubani haganup jolma. Anggo Adam pelopor
mambahen haganup mardosa, tapi Kristus aima pelopor paluahkon haganup. Serupa
tapi tak sama. Anggo ibagas Adam ibobai jolma in hubani hamateian, tapi ibagas
Kristus iboan do jolma na mardosa in hubani hagoluhan. Songon sada halak
mardosa mambahen matei haganup, sonai do
ibagas Kristus marhitei sada halak na mamintori, gabe dapotan pamintorion
haganup. Na porlu icatat ijon aima bahasa hita jolma na mardosa aima na
‘ipintori’. Sedo halani na dob pintor jolma on ase ipintori, tapi justru
sanggah mardosa do hita ipintori Naibata ibagas Kristus. Boi do homa ididah
ijon perbedaan ni panlanggaron na binahen ni jolma ampa silayak-layak na
hinorjahon ni Naibata. Panlanggaron/ parlawanon mambahen jolma in hu hamateian
anjaha lang adong na boi palauahkon diri humbani uhuman ai. Sedangkan
silayak-layak mararti ‘pemberian’ atap anugerah na iberehon sedo halani pantas
atap halani talup ma hita manjalo ai. Tapi iberehon ai aima halani insiatipNi
sandiri laho mamintori jolma on. Na terjadi ibagas pamintorionNi ai aima goluh
na manuju hubani haluahon. Perkembanganni marbeda tene. Anggo ibagas dosa lambin
dokah lambin berkarat, tapi halak na ipintori lambin dokah lambin manuju hubani
goluh na susi.
4. Marhitei ambilan on, boi ididah hita adong dua arah ni
goluh ni jolma. Naparlobei aima arah ni goluh na ikuasai dosa. Lambin dokah
ijai, lambin manrarat (berkebang) ma homa goluh na bertentangan hubani
harosuhni Naibata. Misalni ; anggo ipungkah sada halak ma mangoto-otoi
(berbohong) sahali, boi do tubuh use bohong-bohong berikut. Anggo isuba jolma
on homa mardomdom, somalni lang lambin etek on, tapi marbanggal do torus.
Sonaima anggo domma ‘masuk’ na lang madear ai bani goluhta.. manrarat do. Lang
adong na legan na boi ibahen hita sobali mengirikon Kristus ampa harosuhNi.
Ijin isadari hita na dob ‘ipintori’ Kristus in do hita, ijai ma homa adong
pertumbuhan hubani arah ni goluh na baru. Ibobai do goluhta hubani hal-hal na
positif/ na madear. Siholni uhur ni Kristus in aima ase arahni goluhta ‘masuk’
hubagas na sada untuk semua, aima pamintorion ni na sada palgoluhkon haganup.
Sedo pitah jolma, tapi dihut do ganup pangisini dunia on (kosmos). Ase
pandiloon ni Kristus hubanta ase hita na ipintori dihut homa gabe ‘alat’ ibagas
missiNi. Kehadiran ni halak na dob ipintori in lang pitah mamikkirhon dirini sandiri,
tapi dihut ma mangkorjahon namadear ase lambin rarat i dunia on biak-biak
hagoluhan na hinaroshkonNi ai. Amen
Pdt.Aman Saud Purba
Tidak ada komentar:
Posting Komentar